ޙިކުމަތުގެ ބަސް:
މިސްޓަރ ރަތަންލާން ކަޕްލާ އަކީ އެއަރ ކަންޑިޝަނާއި އައިސްއަލަމާރީގެ ވިޔާފާރި ކުރާ މީހެއް. އޭނާގެ ކުންފުނީގެ ނަމަކީ އެޕްސަންސް. ކުންފުނީގެ މައިއޮފީސް ހުންނަނީ ނިއުދިއްލީގެ އާސިފް ޢަލީ މަގުގަ. މިސްޓަރ ރަތަންލާލް ކަޕްލާއަށް އޭނާގެ ކުންފުނިން ބޭނުންކުރާނޭ ސްލޯގަންއެއް ބޭނުން ވެއްޖެ. ވީހައިވެސް ކުރު ރަނގަޅު ސްލޯގަންއެއް ހުށަހެޅި މީހަކަށް އެކަށީގެންވާ އިނާމެއް ދޭނޭކަމަށް އޭނާ ނޫހުގައި އިޢުލާނުކުރި. އެތައްފަހަރަކު އިޢުލާންކޮށްގެންވެސް ރަނގަޅު ސްލޯގަންއެއް ހުށަހެޅި މީހަކާއި ދިމާވާ ގޮތެއްނުވި. ގިނަމީހުން ފޮނުވާ ޢިބާރާތް އޭނާއަކަށް ކަމަކު ނުދޭ. ސްލޯގަންވާންޖެހޭނީ މީހުންގެ ސިނކުޑިއަށް ފުރޭނިގެންދާ ސްލޯގަނަކަށް. މިއީ ފުރޭނިގެންދާ ކަހަލަ ސްލޯގަނެއްނޫން.
4 ޑިސްމްބަރ 1983މގައި. ދިން ބަސްދިގަތުމެއްގައި. އޭނާ ބުނެފައިވޭ. ސްލޯގަން ވާންޖެހޭނީ މީހުންގެ ސިނކުޑިއަށް ފުރޭނިގެންދާ ސްލޯގަނަކަށޭ. ލިބިފައިހުރި ސްލޯގަން ތަކަކީ މިފަދައިން ފުރޭނިގެންދާ ކަހަލަ ސްލޯގަން ތަކެއް ނޫނޭ. މިސްޓަރ ކަޕްލާ މި ވިސްނުމުގައި ރެޔާއި ދުވާލު ގުނަމުން ގެންދިޔަ. ކެނޑިނޭޅި ވިސްނަމުން ގެންދިޔައީ އެކަމާ. އޭނާގެ ސިކުނޑި ހުއްޓަނުލާ މަސައްކަތް ކުރަމުން ދަނީ ސްލޯގަނެއް ހޯދުމުގައި. އެކަމަކު ކާމިޔާބިއަކާއި ހަމައަށް ދެވޭގޮތެއްނުވި. މި ފިކުރުގައި ގާތްގަނޑަކަށް ހައެއްކަ އަހަރު ދުވަސް ވޭތުވެގެން ހިނގައްޖެ. އޭގެފަހުން އެއް ރެއަކު މިސްޓަރ ކަޕްލާއަށް ހުވަފެނެއް ފެނިއްޖެ. ހުވަފެނުގައި ފެންނަނީ އޭނާ ބަގީޗާއެއްގައި ހުއްޓަ. އެއި ވަރަށް މޫސުމް ރަނގަޅު ރީތި ދުވަހެއް. ގަސްގަހުގައި އެކިކަހަލަ މާ ފޮޅިފައިހުރި. މޭވާ އަޅާފައިހުރި. މި މަންޒަރު ފެނުނީމާ އޭނާ ވަރަށް ބޮޑަށް އުފާވި. ކުއްލިއަކަށް ބުނެލެވުނު. މޫސުމެއް ވެއްޖިއްޔާ އޮންނާންވާނީ މިހެން. މިހެން ބުނެވުމާއެކު އޭނާއަށް ހޭލެވިއްޖެ. އެވަގުތު އޭނާއަށް އިޙުސާސް ކުރެވުނީ އެތައް އަހަރެއްވަންދެން އޭނާ ހޯދަމުން އައި ސްލޯގަން ލިބުނީ ކަމުގައި. އޭނާގެ ސިކުނޑީގައި ވަރަށް ރަނގަޅު ޖުމުލައެއް ރާވައިލެވިއްޖެ. "ކެޕްޝަންސް ދަ ވެދަރ މާސްޓަރސް". ހުވަފެނަކީ ނިދީގެ ޙާލަތުގައި އިންސާނާއަށް ފެންނަ އެއްޗެކެވެ. އެއީ އޭނާގެ ސިކުނޑީގައި ހަރުލާފައިވާ އެއްޗެހީގެ ތަސްވިރެކެވެ. ތިބާ މުޅި ދުވާލު ހަތަރުދަމު ސިކުނޑީގައި ކޮންމެވެސް އެއްޗެއް ބާއްވައިގެން އެ އެއްޗަކާއިމެދު ވިސްނަމުން ގެންދަވައިފިނަމަ، ރޭގަނޑު އެއް އެއްޗެއް ހުވަފެނުގައި ފެނިވަޑައިގަންނަވާނެއެވެ.
ތާރީޚަށް ބަލާއިރު ހުވަފެނުގައި ފެނިގެން ވަރަށް ގިނަ އީޖާދުތައް ކުރެވިފައި އެބަހުރި. ސަބަބަކަށް ވަނީ އެ އީޖާދެއްކުރާ މީހަކު ސިކުނޑީގައި އެކަމެއް ބާއްވައިގެން ރެއާއި ދުވާލު އެކަމާއިމެދު ވިސްނަންފެށީމާ، އެކަމެއް ހުވަފެނުގައި ފެންނަން ގޮތް ވުން. ޙަގީގަތުގައި ހުވަފެނަކީ ކަމެއް ފުރިހަމައަށް ސިކުނޑިއަށް ނަގައިގަނެވުމުގެ ނަތީޖާ. އެފަދަ މީހެއްގެ ޢަމަލުގެ ވަގުތު ބާރަ ގަޑިއިރުގެ ބަދަލުގައި ސައުވީސް ގަޑިއިރަށް ބަދަލުވެދެއެވެ. މަގުސަދުތައް ކާމިޔާބުވުމުގެ ސިއްރަކީ މިއީ.
މިފަދަ ފުން ގުޅުމަކާއި ނުލައި، ބޮޑެތި ކަންތައްތަކެއް ނުކުރެވޭނެ. ދުނިޔެއަށް ބެލިކަމުގައި ވިޔަސް ނުވަތަ އާޚިރަތަށް ބެލިކަމުގައި ވިޔަސް ކަންތައް އޮތްގޮތަކީ މިއީ.
އެއްކަޅިން ތާރީޚު:
އެއްކަޅިން ތާރީޚު (މިބައިގައި އަޅުގަނޑުމެން ބަލާލަމުން މި ގެންދަނީ ދިވެހި ރާއްޖެއާއިމެދު) މީގެ ދުއިސައްތަ ފަންސާސް މިލިއަން އަހަރު ކުރިން ދުނިޔޭގެ ބިން އޮތީ އެއް ބައްރަކަށް ހިކިފަ. މި ބިމަށް ޕެންގާއިއާއޭ ކިޔުނު. މި ބިން މީގެ ސަތޭކަ ފަންސާސް މިލިއަން އަހަރު ކުރިން ބައިބައިވާންފެށި ދުވަސްވަރު އުފެދުނު ކަންތައްތަކުގެ ތެރޭގައި އިންޑިޔާ ކަނޑުވެސް ހިމެނުނު. ޕެންގާއިއާ ދެބައިވެ، ގޮންޑުވާނާ ލޭންޑާއި ލޯރޭޝިޔާ މީގެ ސަތޭކަ ތިރީސް ހަ މިލިޔަން އަހަރު ކުރިން ވަކިވުމާއި ހަމައިން ފެށިގެން ދިނިޔޭގެ އެތެރޭގައި ވިރި ކެކެމުން ދިޔަ ހިލައިގެ ކަނޑުމަތީގައި ދުނިޔޭގެ ބައްރުތައް އުފުލާ ޕްލަނެޓްތައް ދަތުރު ކުރަން ފެށި. މިގޮތުން އިންޑިޔާ އެ ޕްލަނެޓެއްގެ މަތީގައި ދަތުރު ކުރަމުން ދިޔަ ޕްލަނެޓް މީގެ ފަންސާސް ތިން މިލިޔަން އަހަރު ކުރިން ވަރަސް ހޫނު ގަދަ ސަރަޙައްދެއްގެ މަތިން ދަތުރުކުރި. މިކަމުގެ ސަބަބުން އެ ޕްލަނެޓްގައި އަލިފާން ފަރުބަދަ އުފެދެން ފެށި. މި ސަރަޙައްދުން އުތުރަށް މި ޕްލަނެޓް ދަތުރު ކުރަމުން ދިޔައިރު މި ސަރަޙައްދުން އުތުރަށް ދަތުރު ކުރަމުން ދިޔަ ފަރުބަދަތައް ހިހޫ ވަމުން ފަހަތުން އައު ފަރުބަދަތައް އުފެދެމުން ދިޔަ. އިންޑިޔާ ގޮސް އޭޝިޔާގެ ޕްލަނެތްގައި ޖެހިގެން މަޑުޖެހިލުމަށްފަހު، މި ފަރުބަދަތައް ކަނދަށް ގެނބެމުން ދިޔަ. އަދި ގެނބެމުން ދިޔަ ފަރުބަދަތައް ވަށައިގެން ލޮނުގަނޑު ޖެހޭ ހިސާބުގައި މުރަކަ އުފެދި، ފަރުތައް އުފެދި މިގޮތުން ރާއްޖޭގެ އަތޮޅުތައް އުފެދުނު.
ދިވެހިރާއްޖޭގައި މީހުން އުޅޭތާ މަދުވެގެން ދެހާސް ފައްސަތޭކަ އަހަރުވެދާނެ. ޢީސާގެފާނު ދުނިޔެއަށް ފޮނުއްވުމުގެ ސާދަސަތޭކަ އަހަރު ކުރިން ނިމިގެން ދިޔަ އިންޑަސް ވާދީގެ ރައްވެހިކަމުގެ ތެރެއިން މަޝްހޫރުވި، ބަނަދަރެއް ކަމުގައިވާ ލޯތާލްގެ ބިނާތަކުގެ ތެރެއިން ދިވެހި ބޮލި ފެނުން މިކަމުގެ ހެއްކެއް ކަމުގައިވި. ޝްރީލަންކާގެ މަހަވަންސާގައި ބަޔާން ކުރެވިފައިވާ ފަދައިން ޢީސާގެފާނު ދުނިޔެއަށް ފޮނުއްވުމުގެ ފައްސަތޭކަ އަހަރު ކުރިން އުތުރު އިންޑިޔާގެ ރަށެއް ކަމުގައިވި، ސިންހަޕޫރާއިން ޕްރިންސް ވިޖެޔާ އޮޅުދޫ ކަރަޔަށް ވަޑައިގެންނެވިއިރު އެބޭފުޅުންގެ އަރުމާޒުގައި އެކުލެވުނު ނަވެއް ބެހިގެން ރާއްޖެއައި ވާހަކަވޭ.
ދިވެހި ރާއްޖެއަށް ބުދު ދީން އައިސްފައިވަނީ ޢީސާގެފާނު ދުނިޔެއަށް ފޮނުއްވުމުގެ ތިންސަތޭކަ އަހަރު ކުރިން ކަމުގައި ލަފާ ކުރެވޭ. އެދުވްސަވަރު އިންޑިޔާގައި ރަސްކަން ކުރެއްވި މޯރިޔާ ރަސްގެފާނު، އަޝޯކާ 238 ބީސީ އިން 265 ބީސީ އަށް ދެކުނު އޭޝިޔާގެ ގައުމުތަކަށް ބުޑިޒަމް ދީން ފެތުރުއްވުމަށާއި އެ ދީން އުނގަންނައިދީ އޮޅުންފިލުވައި ދިނުމަށް މީހުން ފޮނުއްވައިގެން ކުރެއްވި މަސައްކަތްޕުޅުގެ އަސަރު ރާއްޖެއިން ފެންނާން އެބަހުރި.
No comments:
Post a Comment