އެއްދުވަހަކު މަތީމަގާމެއްގައި ދުވަހަކުވެސް އުޅެފައިނުވާ މީހަކަށް ރަސްގެފާނުގެ ފަތްކޮޅެއް ލިބިއްޖެ. އެ ފަތްކޮޅުގައިވަނި ކޮންމެވެސް ނައިބެއްގެ މަގާމަށް އެމީހާ ހަމަޖެއްސި ވާހަކަ. އެ ފަތްކޮޅު ލިބުމާއެކު އެމީހާ އުފަލުން ކެކި އަރައިގެންފި. މިހާރު އަހުރެންވާނީ ވަރަށް މަތީ މީހަކަށް. ރަސްކަމުގެ ދަރުބަރަށް ދާން އެންގެވުމުގެ ކުރީން އަވަހަށް އައު ކޯޓެއްފަހައި ތައްޔާރުވާންވީ. އެމީހާ ކޮޅުކޮޅަށް ދުވެދުވެފައި ކިޔަމުންދޭ. ތިބާއަށް ވަރަށް މޮޅަށް ކޯޓު ފަހައިދޭނޭ ތަޖުރިބާހުރި މޮޅު ފެހުންތެރިޔަކު އެބަހުރި. އެ ފެހުންތެރިޔާއަކީ އޭނާގެ ކައިރިޔަށް ކޮންމެ ސިފައެއްގައި ހުރި މީހަކު ދިޔަ ކަމުގައި ވީނަމަވެސް އެމީހެއްގެ ގަޔަށް ވަރަށް ރީތިކޮށް ކޯޓުފަހައިދޭނޭ ފެހުން ތެރިއެއް. ކައިރީގައިތިބި އޭނާގެ ރައްޓެހިން ބުނެލި. މިހެން ބުނުމާއެކު އަވަސް އަވަހަށް ފެހުންތެރިޔާގެ ގާތަށް މިކަލޭގެ ހިނގައްޖެ. ފެހުންތެރިޔާ މީނާގެ ހަށިގަނޑުގެ އެއްކޮޅުން އަނެއްކޮޅަށް ވަރަށް ރަނގަޅަށް ނަޒަރު ހިންގުމަށްފަހު އެކިއެކި މިންތައް ތުނޑުތުނޑަށް ވަކިވަކިން ނޯޓުކޮށްލި. އަދި މިންނަގަން ބޭނުންކުރި ފީތާއާއި ނޯޓުފޮތްވެސް ބޭއްވުމަށްފަހު، އަޑުގޮވާވަރަށް ދެއަތް ފޮޅާލާފައި، ވިސްނުންތެރިކަމާއެކު ބުނެލި. ސާހިބާ! އަދި މަނިކުފަނާއި ބެހޭ ގޮތުން އަޅުގަނޑަށް އެނގެންޖެހޭ މަޢުލޫމަތެއް އެބައޮތް. މަނިކުފާނު ނާއިބަކަށް އުޅުއްވާތާ ކިހާ ދުވަހެއް ވެދާނެތޯ؟ ކީކޭ. ކީއްކުރަން. އަހުރެން އެކަމުގައި ހޭދަކުރި މުއްދަތު ކަލޭ އޮޅުންފިލުވަން ޖެހެނި. ފަހަން މިއުޅޭ ކޯޓާއި މަގާމާއި އަހުރެން ހޭދަކުރި މުއްދަތާއި ހުރީ ކޮން ގުޅުމެއް؟ ނައިބު ވަރަށް ހައިރާންކަމާއެކު ސުވާލުކޮށްލި. ފެހުންތެރިޔާ ސާބިތުކަމާއެކު ކެރިހުރެ ފަށައިގަތް. ސާހިބާ! އެ މަޢުލުމާތު ނުލިބި މަނިކުފާނުގެ ހަށިކޮޅަށް ރީތިވާނޭހޭން ފުރިހަމައަށް ރީތިވާނޭހެން ކޯޓެއް ނުފެހޭނެ. ސާހިބާ އަޑުއައްސަވާ. މީހަކަށް އަލަށް މަގާމެއް ލިބިއްޖެނަމަ އެމީހެއްގެ ހުރިހާ ފިކުރަކާއި ޚިޔާލެއް ހުއްޓިފައި ހުންނާނީ ހަމައެކަނި މަގާމުގެ ބޮޑުކަމާއި، ޖާހުގެ ހައިބަތާއިމެދުގަ. މިނޫން ދެވަނަކަމެއް ޚިޔާލަކަށް ނާންނާނެ. މީހުންނާއި ބައްދަލު ކުރާއިރުވެސް، އޮފީސްތެރޭގައިވެސް، އެއްތަނުން އަނެއްތަނަށް ދާއިރުގައިވެސް، އަބަދުވެސް ހުންނާނި ބޮޑުކަން ދެއްކުމަށް ޓަކައި މެފުއްޕާފަ. ދެއަތްވެސް ހުންނާނި ފިޔޮއް ކުކުޅުގެ ދެފިޔަގަނޑުހެން ގަޔަދުރަސް ފޭކޮށް މުއްކަވާފަ. މިފަދަ މީހަކަށް ކޯޓެއް ކަނޑާނަމަ އެ ކޯޓެއް ކަނޑާން ޖެހޭނީ ގަހަށް ވުރެން ކުރިމަތި ދިގުކޮށް. ދެފަރާތް އެއްވަރަސް ކަނދައިފިނަމަ ކުރިމަތި މާ ކުރުކަމަށް ދައްކަނެ. ނަމަވެސް މަގާމުގައި އުޅެ އެތައް އަހަރެއްގެ ތަޖުރިބާ ލިބިފައިވާނަމަ، ކޯޓު ކަނޑަން ޖެހޭނީ ދެފަރާތް އެއްވަރަސް. ސަބަބަކީ އެފަދަ މީހަކުނަމަ ކޮންމެ ކަމަކާއިމެދުގައިވެސް، ކޮންމެ މީހަކާއިމެދުގައިވެސް، އެތައް ގޮތަކަށް ބަލައި ހަދަނެ. އަދަކުރަން ޖެހިފައިވާ މަސްއޫލިއްޔަތާއި ކޮނޑުގައި އެޅިފައިވާ ޒިންމާއަކީ ކޮބައިކަންވެސް ބަލާނެ. ލިބިފައިވަ ބާރާއި ތަކެއްޗާއި މީހުންގެ އިޙުސާސްތަކާއިމެދުގައިވެސް ވަރަސް ފުންކޮސް ވިސްނައި އިންސާނި ވަސީލަތްތަކުގެ ބޭނުން ފުރިހަމައަށް ހިފާނެގޮތްތަކާއިމެދުގައިވެސް ބަލައި ހަދާނެ. އެހެންކަމުން އެކިއެކި ދިމަދިމާޔަށް ބޯލަނބައި ބަލާން އެބަޖެހޭ. ކަނާތްފަރާތަށް އެނބުރި ބެލިނަމަ، ވާތްފަރާތަށް ވެސް އެނބުރި ބަލަންޖެހޭ. އަދި ފަހަތަށް އެނބުރި ބެލިނަމަ، ކުރިމައްޗަށްވެސް އެނބުރި ބަލާންޖެހޭ. ކުރިމަގަށް ބަލާ ބީދައިން ފަސްމަގަށްވެސް އެބަ ބަލާންޖެހޭ. އެފަދަ ބެލުންތައް ބަލާ މީހަކަށް އެންމެ ހިނދު ކޮޅަކަށްވެސް މޭފުއްޕައިގެން މުށި ބުދެއްހެން އެންމެ އިރުކޮޅަކުވެސް ނުހުރެވޭނެ. އެހެން ކަމުން މިފަދަ މިޙެއްގެ ކޯތުގެ ދެފަރާތް ދެވަރަކަށް ހުންނަ ގޮތަކަށް ފަހައިފިނަމަ، އައިބުވާނެ. ވަޒީފާގައި މުޅި ޢުމުރު ހޭދަކޮށް އަމިއްލަ ޙަޔާތުގައި ކަންތައްތައް ގެންދެވުނު ގޮތާއިމެދު ވިސްނައި ފިކުރު ކުރަ މުސްކުޅިޔަކަށް ކޯޓެއް ފަހާނަމަ، ކަނޑަންޖެހޭނީ ކުރިމައްޗަށް ކުރުކޮށް ހުންނަ ގޮތަށް. ސާހިބާ، މަނިކުފާނު މަގަމުގައި ހޭދަކުރި މުއްދަތު އަޅުގަނޑު އެނގެން ބޭނުންވާ ސަބަބުތައް މިދެންނެވީ. މި މަޢުލޫމާތު ނޭގި ހަމައެކަނި ލޮލަށް ފެންނަ މިންތަކަކަށް ބަލައިގެން ކޯޓު ކިތަންމެ ފުރިހަމައަށް ފެހި ނަމަވެސް ކޮންމެވެސް އެއްފަރާތެއްގެ ފަސްބަޔަށް ދިގުވާނެ. މިހެން ބުނުމާއެކު އޭނަގެ ރައްޓެހިން މި ތަޖުރިބާކާރު ފެހުންތެރިޔަގެ ގާތަށް ކޯޓުފައްސަން އޭނާ ފޮނުވީ ކީއްވެގެންތޯ ހިތަހިތަ ސުވާލު ކުރަމުން އިސްދަށަށް ޖަހައިގެން ހުރެ، ނުކުމެގެން ހިގައްޖެ.
އެއްކަޅިން ތާރީޚު:
(މިބައިގައި އަޅުގަނޑުމެން ބަލާލަމުން މި ގެންދަނީ ދިވެހި ރާއްޖެއާއިމެދު) ދިވެހި ރާއްޖޭގެ އެކި ހިސާބުތަކުގައި ބުދު ދީނަށް އަޅުކަންކުރި ހިސާބުތަކުގެ ވިރަނާވެފައިވާ ގާތަށް ރާއްޖޭގެ އެކި ހިސާބުތަކުގައި މިހާރުވެސް ފެންނަން އެބަހުރި. މިފަދަ ގިނަ ތަންތަނަކީ މީލަދީ ސަނަތުން ތިންވަނަ ގަރުނާއި ހަމައިން ފެށިގެން ބިނާކުރެވިފައިވާ ތަންތަން ކަމުގައި މިހާތަނަށް ލިބިފައިވާ މަޢުލޫމަތުން ހާމަކޮށްދޭ. މިފަދަ ތަންތަނުގެ ތެރެއިން އެންމެ ޒަމާންވީ އެއްތަނަކީ ކ އަތޮޅު ކާށިދޫ ކުރުހިންނަ ތަރަގަނޑޭ ކިޔާތަނުގައިވާ ތަނެއް. މިތަން ބިނާ ކުރެވިފައިވަނީ މީލާދި ސަނަތުން ތިނެއް ނުވަތަ ހަތަރުވަނަ ގަރުނުގަ.
ރޫމީންގެ ރަސްގެފާނު ޖޫލިޔަންގެ އަރިހުގައި އުޅުނު ގުރީކުގެ ލިޔުންތެރިއެއް ކަމުގައިވާ އެމިޔުނެލަސް މަރުސޭލުނަސް ލިޔުއްވާފައިވާ ލިޔުމެއްގައި ބަޔާންކުރައްވާފައިވަ ގޮތުގައި އެ ރަސްގެފަނުގެ އަރިހަށް މީލާދީން ތިންސަތޭކަ ފަސްދޮޅަށް ދެވަނަ އަހަރު ދިވެހީންގެ ވަފުދެއް ވެދުން ހިފައިގެން ދިޔަ. އެފަހަރު ވެދުން ހިފައިގެންދިޔަ ވަފުދުތަކުގެ ތެރޭގައި ދީވީންގެ ވަފުދަކާއި ސަރަންދީވީންގެ ވަފުދެއްވޭ. މި ދީވީންނަކި ދިވެހީން. މީލާދީ ސަނަތުން ހަސަތޭކަ ފަންސާސް އަށްވަނަ އަހަރު ތަޚުތުގައި ރެދަލި ކުރެއްވި ސިރީ ބަނާދީއްތިޔަ ރަދުން ސީނު ކަރައިގެ ރަސްގެފަނު ކާއޯޓުސުންގްގެ އަރިހަށް ސަފީރުން ފޮނުއްވި. ކާއޯޓުސުންގް އަކީ މަޝްހޫރު ތޭންގް ދަރިކޮޅުން ވަޑައިގެން ހުންނެވި ރަސްކަލެއް. މީލާދީ ސަނަތުން ހަސަތޭކަ ފަސްދޮޅަސް ދެވަނަ އަހަރުގައިވެސް ދިވެހީންގެ ވަފުދެއް ކާއޯޓުސުންގް ރަސްގެފާނުގެ އަރިހަށް ވެދުމާއިގެން ދިޔަ. 
No comments:
Post a Comment