ޖާހިލަކަށް ޢިލްމުވެރިއަކު ވިދާޅުވާތީ އަޑުއިވުނު. ﷲ ހަނދުމަކޮށް ގަނެވޭނީ ތިމާގެ ހިތުގެ އެދުންތަކުގެ މައްޗަށް ބަރުފޯރުވިގެންނެވެ. ނުވަތަ އެ އެދުންތަކާއިމެދު ދެކޮޅު ހެދީމައެވެ. އޭނާއަށް މި ވާހަކަތައް އަޑު އިވުމާއެކު، ދުނިޔޭގެ ހުރިހާ ކަމެއް ދޫކޮށްލާފައި ގޮސް ވަނީ ޖަންގައްޔަށް. ޖަންގަލީގައި ހުރެގެން އަޅުކަން ކުރަނީ. އެހެން ހުރުމުގެ ތެރޭގައި އެއްދުވަހަކު ވަރަށް މީރުކޮށް ކައިލާހިތް ވެއްޖެ. އެހެންނަމަވެސް އެއްކަލަ ޢިލްމުވެރިޔާގެ ވާހަކަ ހަނދާންވެފައި ކެއުމުގެ ޚިޔާލު ދޫކޮށްލި. އޭގެ އަނެއް ދުވަހު އޭނަގެ ހިތުގައި ހިނގައިގަތީ ރީތި ހެދުމެއް ގަނެގެން ލުމުގެ އެދުން. އެކަމަކު ޢިލްމުވެރިޔާގެ ވާހަކަ ހިތަށް އަރާފައި އެ ޚިޔަލުވެސް ދޫކޮށްލީ. ތިންވަނަ ދުވަހު އޭނަގެ ހިތަށްއެރީ މީރުވަސްދުވާ އަތަރެއްގެ ބޭނުންކުރަން. އެކަމަކު ޢިލްމުވެރިޔާގެ ވާހަކަ ހަނދާންވެފައި، އެކަމެއްވެސް ނުކުރި. އެންމެފަހުން ހަށިގަނޑަށް އެއްވެސް ކަހަލަ ފައިދާއެއް ނުކުރާ ކާނާ ކައިގެން ބާވެ، ހަސްނެތިފައި އޮތް ހެދުންގަނޑެއް ލައިގެން މުޅި ގައިން ނުބައިވަސްދުވާ ޙާލު އަޅުކަންކުރަން ޖަންގަލީގައި ހުރި.
އެއްދުވަހަކު އެއްކަލަ ޢިލްމުވެރިޔާއަށް އޭނާ އަޅުކަންހުރި ތަނަށް ވަޑައިގަނެވިއްޖެ. އޭނާއަށް މި މަންޒަރު ފެނިވަޑައިގަތީމާ، އެކަމާއި ސުވާލު ކުރެއްވި. ތިބާއަށް ވެފައި ތިޔަހުރީ ކިހިނެއް ހެއްޔެވެ؟ އެމީހާ ދެންނެވި. ﷲ ހަނދުމަކޮށް ގަންނަން ބޭނުންނަމަ ހިތުގެ އެދުންތަކާއި ދެކޮޅުހަދާށޭ މަނިކުފާނު ވިދާޅުވީމެއް ނޫންތޯއޭ. އެހެންވިމާ، އަޅުގަނޑު އެ ވާހަކަފުޅާއި އެއްގޮތަށް ޢަމަލުކުރަނީއޭ. މިހެން ދަންނަވާފައި އޭނާ ޢަމަލުކުޅަގޮތް ވަރަށް ތަފުސީލުކޮށް ދަންނަވައިފި. ޢިލްމުވެރިޔާ ވަރަށް ބޮދަށް ކޯފާވެފައި ވިދާޅުވި. އޭ މިހަރަ މޮޔަޔާއޭ. ވާހަކައެއް އަޑު އިވުނިމަ، އެންމެ ފުރަތަމަ، އެ ވާހަކައިގެ ތަފްސީލު ހޯދާށޭ. ޢަމަލުކުރާންވާނީ އޭގެ ފަހުންނޭ. ހިތުގެ އެދުމޭ ބުނެވޭ ބަހުގެ މުރާދަކީ ނުބައި އެދުމުގެ ވާހަކައެވެ. އެއްވެސް އުފަލެއް އަރާމެއް ލިބި ނުގަތުމުގެ ވާހަކައެއް ނޫނެވެ. ތެދެކެވެ. ޢަމަލު ނުކުރާ ޢިލްމާއި، ޢިލްމެއް ނެތި ކުރާ ޢަމަލާއި އެއްވެސް ތަފާތެއް ނުހުންނާނެއެވެ. ވާހަކައެއް އަޑު އިވުމާއެކު އެ ވާހަކައެއްގެ އަސްލާއި ހަމައަށް ދެވޭތޯ ބެލުމަކީ ކޮންމެހެން ބޭނުން ކަމެއް. ޙަގީގަތް ރަނގަޅަށް އޮޅުން ނުފިލުވައި، އެއްވެސް ވާހަކައެއްގެ މައްޗަށް ޢަމަލުކޮށްގެން ނުވާނެ.
އެއްކަޅިން ތާރީޚު
މިބައިގައި އަޅުގަނޑުމެން ބަލާލަމުން މި ގެންދަނީ ދިވެހި ރާއްޖޭގެ އެވޭލާ ކުޅިވަރު ތަކާއިބެހޭ ގޮތުން. އެގޮތުން މިރޭ އަޅުގަނޑުމެން ބަލައިލާނި ގުލަމަތި ހިފުމާއި ބެހޭ ގޮތުން.
ގުލަމަތި ހިފުމަކީ ދިވެހި ހެވިކަމުގެ ތެރޭގެ ކަމެއް. ހެވިކަމަށް ފަށައިގަތުމުގައި ހަށިގަނޑު ދުޅަހެޔޮ ކުރުމުގެ ގޮތުން ކުރާ އެކި ކަސްރަތުގެ ތެރޭގައި ހިމެނޭ ފަހުލަވާނީ ކަމެއް. މިކަމުގެ ޚާއްސަ ހުނަރުތައް ލިބިގަތީ މަލަބާރު ކަރައިގެ މީހުންގެ ގަދަބައްޔަށް ހިފުމުގެ ކުޅިވަރު ތަކުގެ ތެރޭން ކަމަށް ދޫދޫ މަތިން ބުނެވޭ.
މި ކުޅިވަރު މި ރާއްޖެއަށް ގެނެވުނު ގޮތެއް، މިކަން ފެށުނު ދުވަސްވަރެއް ސާފުކޮށް އެނގޭން ނެތަސް ފުރަތަމަ މިކަން ހިނގައިގަތި ދިވެހި ލަޝްކަރުގެ ކަމެއްގެ ގޮތުން ކަމާއި، ލަޝްކަރުގެ ކޮށިތައް އުވިގެން ދިޔުމުން ރަސްމީ ގޮތުން މިކަން އުވިގެން ދިޔައީ ކަމަށްވޭ. އޭގެފަހުން ފަހުލަވާނި ކުލިވަރެއްގެ ގޮތުން އަމިއްލަ އެކިއެކި ޖަމާޢަތުގައި ކޮންމެވެސް ވަރަކަށް މިކަން ދެމެހެއްޓިފައިވޭ. މިގޮތުން ވިހިވަނަ ގަރުނުގެ ފަހުކޮޅަށް އެޅުނު އިރު ގުޅަމަތި ހިފުން ދިވެހި ޒުވާނުންގެ ފަހުލަވާނީ ކަމެއްގެ ގޮތުގައި މުލަކު އަތޮޅު މަޑުއްވަރީއާއި އެ އަތޮޅުގެ ބައެއް ރަށް ރަށުގައި އަދި މާލެ އަތޮޅު ކާށިދޫގައި މިކަމުގެ މީހުން އުފެދުނު.
މަލަބަރު ކަރައިގެ ދަށުގައި މި ގައުމު އޮތް ކުދަ ދުވަސްކޮޅު، މާލޭގައި ކޮންމެވެސް ވަރަކަށް މިކަން ފެށުނު ކަމާއި، މާލޭން ރާއްޖެތެރއަށް ފގޮސް ފިރިހެނުންގެ މައިދަނީ ގުރޫޕު ކުލިވަރެއްގެ ގޮތުގައި މިކަން ހިނގައިގަތްކަމަށް ބުނެވޭ. އެކިއެކި ޢީދުގައި ކުޅިވަރެއްގެ ގޮތުން އެކިއެކި ރަށްރަށުގައި ގުޅަމަތި ހިފުން އޮވޭ.
ހިފާ މީހުންނަށް ބަލާލާއިރު، ގުޅަމަތި ހިފުމުގައި ބައިވެރިވާނީ، ވަރުން އަޅައި ހޮވިގެން އިރުއްޓޭ ކޮށް ޖޯޑު ހަމަވާ ގޮތަށް. ތިބޭނީ އުނަގަނޑުމަތިން ހުސްގަޔާ އޭގެ ތިރިން ކަކޫމަތި ފޮތިގަނޑު އެޅި ހަރުވާޅެއްލާފަ. ހށިގަނޑުގެ އެއްވެސް ތާކު ތޫނުކަމެއް ނުވަތަ ޙަރަކާތަށް އުނދަގޫވާ ކަހަލަ އެއްޗެއް އޮވެގެން ނުވާނެ. ދެ ޓީމަކަށް ބެހިގެން އެބައެއްގެ އަމުރުވެރިޔާ ކައިރީގައި ދެބައި ވަކިން ފަސްގަނޑުގައި ކޮޅަށް ތިބޭނީ. ހިފަން ނުކުންނާނި ގުރުޢަތުން ފުރަތަމަ މީހަ ނެރެންވީ ބައެއް ހޮވިގެން. އެއީ އިސްނަގާމީހަ ހޮވުން. ގުޅަމތިހިފުމަށް ދޮންވެލީގެ ދޫފަސް ބިންކޮޅެއް ބޭނުންވޭ. ގާތްގަނދަކަށް ފަނަރަ ފޫޓް ފަނަރަ ފޫޓުގެ. އުސްތުނބަށް ނަރުވާތިރި އަންބަލަމެއްހެން އޮތް ތަނެއްވެސް ރަނގަޅު. އޮށްގާފަދަ ހަށިގަނދަށް ގެއްލުމެއް އުނދަގުލެއް ވެދާނޭ އެއްޗެއް ކުޅޭ ބިމުގައި ހުރެގެން ނުވާނެ. ކެޕްޓަން ވަރުން އަޅާފައި ހަމައިން ފަހަރަކު ދެމީހުން ފަސްގަނޑު މައްޗަށް ނުކުންނަނީ. މި ނުކުމެފައި ފަސްގަނޑުގައި ކުރިން ބުނެދިޔަ ފަދައިން އިސްނެގުނު މީހާ ދެން ހުރި މީހާ ކަނައަތް މައްޗަށް އުކުޅަށް އަރުވައި ކޮނޑުމަތިން އެއްލާނީ. މި އެއްލުމުން އެމީހާ އެއްލެވޭ މީހާ ފަސްގަނޑު މައްޗަށް ޖެހޭނީ މަޑިޔަކަށް. ހަމައެވަގުތު ކޮއްޅުން ހުރި މީހާ މަޑިޔަށް ޖެއްސުވި މީހާ އަނެކާގެ ބުރިކަށި މަތިން ބައްދައި ކަނާތް ދަށުން އެމީހާ ފަހަތަށް ކޮށްޕާލާނީ. މިހެން ހަދަނީ އެމީހާގެ ބޮލުގައި ވާތުން ހިފާފަ. ދެން ކަނާތް މައްޗަށް ގެނެސް ކިހިލިފަތް ދަށަށް އެމީހާގެ ބޯ ލައްވައި ހިފަހައްޓާލަނީ. މި ހުނަރުވެރިކަމަށް ކިޔަނީ ހަކާތު އެރުވުން. މި ހިސާބުން އޭނާގެ ކިހިލިފަތް ދަށުގައިވާ މީހާ ބަލިވީ. ދަނޑުން ނުވަތަ ފަސްގަނޑުން އޭނާ ފައިބާނީ ދެން ގަދަވި މީހާ އިދިފުށުން އެއްލާފައި މަޑިޔަކަށް ޖެހިފައި ބޯ ހިއްލާލައިގެން ބަލަން އޮއްވައި އަލުން މީހަކު ފަސްގަނޑަށް އަރައި ޙަމަލަދޭނީ. މިގޮތަށް ގަދަވުމުން ބަލިކުރަމުން ގޮސް ދެޓީމު ހުސްވަންދެން ހިފާނީ. ކުލަދާނަ މޮޅުމީހަކީ މުޅި ޓީމާއި ހިފަމުން ބަލިކުރަމުން ދާއިރު އެމީހެއްގެ ޙަރަކާތް ރީތި އަދި އުކުޅު ފުރިހަމަ ގަދަ މީހަ. މީހާގެ ގަދަފަދކަން ދެއްކުމަށްވުރެން ބޮޑަށް މިކަމުގައި ބައިވެރިވާ ދެމީހުންވެސް ދެއްކޭތޯ ބަލަނީ ހުނަރުގެ މޮޅުކަމާއި ރީތިކަން.
No comments:
Post a Comment